— 361 —
„Do baroe sekarang loe bisa kata begitoe!“
„Eh-eh, apa salah goea bilang?-engga ada doeit djangan dateng, sebab maen oetang mana boleh enak!“
„Apa goea kata goea maoe maen oetang?-goea kata djoega kasi pindjem doeloe loe poenja doeit sama goea.“
„Nah ja, goea sekarang engga ada poenja doeit boeat kasi loe pindjem, sebab goea sekarang soeda engga kerdja. Ja, malahan goea sekarang maoe minta goea poenja oewang sama loe.“
„Do, brapa doeit si goea oetang loe?-tjoema djoega doewa perak; sampe begitoe engga pertjaja sama orang!“
„Eh-eh, boekan si kata engga pertjaja; goea djoega sekarang engga senang: sobat tinggal sobat tapi doeit laen kantongnja; doewa perak apa eng-ga loemajan djoega boeat goea tambahin onkost saban hari?“
„Ja, baroe sekarang loe bisa bilang: sobat ting-gal sobat, tapi doeit laen kantongnja; doeloe ko enak adja loe makan goea poenja doeit sapoeloe doewa poeloe perak?“
„Kapannja?“
„Oeda, pendeknja loe troesa berlaga! Apa loe engga inget: pindjem ah sapoeloe, pindjemlah doewa poeloe, tapi kapannja loe taoe bajar?“
„Do matjem keh loe adja bisa pertjaja orang
