— 319 —
XXVII.
NASIBNJA BOK-HIANG.
Di itoe malem dari hari, dimana adadidamiken perkara hianat antara Soan-nio dan Ban-tjoan, di Kampoeng Opak telah terdjadi satoe hal jang menerbitken karipoean besar.
Lontjeng mengoetaraken poekoel toedjoe soreh. Koei-tjoan, Boen-san dan piaraanja ada doedoek hadepken satoe medja, jang pernahnja di depan tjimtjhe. Marika itoe sedeng doedoek omong-omong, dan dari roepanja ada ternjata, bahoewa ia orang sedeng bitjaraken satoe perkara jang amat menggerakin hati.
Satoe lampoe doedoek ada ditempatken di tengah-tengah medja. Pintoe loear dari itoe roemah ada tertoetoep rapet.
Tatkalah lontjeng berboenji, orang-orang jang mengomong itoe bediam sabentaran, kamoedian laloe Boen-san teroesken bitjaranja:
„Kaloe goea taoe pengabisannja bakal djadi begini, tentoe djoega goea engga nanti maoe toeloengin sama loe, Koei-tjoan, beoat bikin sampe loe bisa bikin pertemoehan resia sama si Bok-hiang. Sekarang boleh dibilang goea djoega ada menoeroet tanggoeng dosanja.“
Pembitjarahan itoe ada dilakoeken dengen amat plahan, tapi toch bagi Koei-tjoan rasanja masi terlaloe njaring, kerna di itoe masa anak moeda itoe
