— 313 —
„Boekan begitoe, Soan.“
„Mana boleh boekan begitoe; kaloe engga tok loe engga misti seboet-seboet lagi itoe perkara! kaloe goea si kata sabetoelnja loe poenja bapa djoega jang kliwatan. Dia engga maoe kenal lagi sama goea, itoe si soeda engga bisa dikata apa-apa, tapi loe jang namanja anak tok engga patoet dia sampe begitoe tegah; dia oesir sama loe, dia bikin sampe loe brenti kerdja, itoe sama djoega dia maoe bikin loe djadi mati.“
„Habis apa loe kira goea engga sakit hati sama dia?“
„Loe sakit hati itoe memang soeda mistinja.“
„Nah kaloe loe taoein lebi baek; kaloe boleh goea sekarang pengrasahan maoe bikin di djadi tjilaka. Kamaren goea poelang ka roemah dia lagi sakit, soeda brapa hari dia engga pergi ka tokk; ah, kaloe boleh goea lebi soeka dia lekasan mam-poes, toewa-bangka jang begitoe!“
„Hala djangan loe omong dowang; nanti kaloe dia soeda mampoes engga oeroengan loe nanti na-ngis menggeroeng-gereong: namanja bapa sama anak, biar bagimana sakit hati djoega engga sa-brapa; orang kata djoega apa: masa aer di kali bisa djadi kering? Kaloe sama goea ma betoel: sekarang djoega kaloe goea mati, loe tentoe tjoema kadjengkelan lantaran misti kaloear doeit boeat belih peti.“
