— 26 —
loe poenja kadojanan babi masak oebi landa.“
„Nioe djadi kenjang, boe. Masa pagi-pagi hari entji Bong-loan soeda dipoekoel lagi! Nioe pergi toeloengin sama dia.“
„Ai, bisa-bisahan ini anak; nanti loe sendiri dilabrak baroe taoe. Liat to e kaloe orang soeda kaga ada poenja mah; oemoer sabelas soeda misti bantoe di dapoer. Loe soeda oemoer sapoeloe masi enak-enakan sadja mendjerit-djerit prenta boedjang, begini melawan, begitoe melawan; nanti kaloe goea soeda mati dan loe tida ada poenja mah lagi, baroe nanti loe taoe rasa.“
„Kaga laen kata gitoe sadja, nanti Nioe nangis baroe taoe.“
„Ja gedehin sadja sekarang loe poenja nangis.“
„Mboe si kaga laen kata begitoe.“
„Tjoba liat mah gi, soeda bangoen belon, sakalian panggil enko makan nasi.“
Sioe-kioe boekan pergi liat doeloe pada mahnja, tapi lantas berlari-lari kaloear, dan teroes ka pertengahan, dimana ia dapetken Hoei-djin sedeng membentoek hadepken medja. Sigra ia mengamperi, dan berkata satjara sengal-sengal:
„Ko, ko, masa entji Bong-loan dipoekoel lagi !“
„Kapan ?" tanja Hoei-djin seraja angkat kapala
„Baroesan.“
„Lantaran apa ?“
„Begini: la lagi njapoe, Nioe paksain seret-seret
