Halaman ini tervalidasi
— 253 —
Koei-tjoan peloek-tjioem lagi pada Bok-hiang, kamoedian ia berlaloe.
Di tengah perdjalanan ia menggrendeng pada diri sendiri, katanja:
„Kaloe begini betoel boekannja maen-maen kajoe. Sama ini kali soeda ampat malem goea gadangin, tapi belon djoega goea bisa dapetin sama dia. Goea tadinja pikir di mana djoega baek, tapi sekarang njata engga begitoe gampang. Boelak-balik engga ada jang lebi baek dari goea minta pertoeloengannja si Djambroet, biar dia jang atoerin bagimana baeknja."
Kamoedian djedjaka itoe laloe tarik napas pandjang.
„Kaloe lagi saboelan misti begini, betoel-betoel kliwat tjilaka!" kata ia poelah kamoedian, seraja bertindik madjoe dalem gelap-goelita.
