— 236 —
loe bilang sadja teroes-terang sama. goea: si Sioe-kioe soeda apain sama loe?"
„Biar mati engga apa-apa."
„Habis kanapa loe engga maoe nonton sama-sama dia?"
„Saia ,djadi engga ada, poenja kapingin boeat nonton. Saia lantas inget sama nona, engga kataoean lagi saia lantas djadi sedih,"
Hoei-djin tinggal berdiam, memandang parasnja Bong-loan, jang koetika itoe soeda djadi terang kombali. Kamoedian anak prampoean itoe laloe berkata poelah:
„Saia poenja nona betoel aa mati di harian Tjhiagwee tjapgoh. Saia inget betoel: laen orang enak-enakan nonton, saia di roemah riboet kalang-kaboet."
„Tempo itoe loe poenja oemoer brapa, Bong-loan?"
„Kamarihin nona mati soeda ada ampat tahon."
„Djadi itoe waktoe loe poenja oemoer baroe delapan."
„Itoe saia soeda engga inget betoel."
„Engga salah, sebab sekarang loe poenja oemoer doewa belas."
Bong-loan tinggal berdiam, memandang pada boelan, jang tatkalah itoe ada katoetoepan sedikit dengen mega itam.
Hoei-djin, jang di itoe masa baroe sadja masoek dalem oesia anam belas tahon, soeda tida bisa
