— 195 —
XVI.
KOEI-TJOAN.
„Do ko kita lantasnja teroes-teroesan misti ngodol oewang!"
„Loe si kalah engga djadi kenapa, Koei-tjoan, samentar oewang loe habis, samentar djoega loe boleh poelang minta oewang lagi. Kaloe goea kalah, tentoelah Tjapgomeh goea engga nanti bisa temenin loe djalan-djalan."
„Loe poenja bitjara engga salah, Boen-san, kata satoe anak moeda laen.
„Patoetnja djoega memang, saban taon si Koei-tjoan misti bantoe loe poenja onkost. Kasatoe sebab loe berdoea ada tjinlang, kadoea kaloe loe engga tinggal di sini, tentoe djoega ia engga bisa sering-sering dateng boeat maen mata sama itoe jang di sebrang. Masa ja djadi roegi kaloe sekarang ia toem-plak sama sekali isinja dia poenja dompet boeat bantoe kita berdoewa poenja onkost!"
„Koerang adja ini anak!“ kata Koei-tjoan dengen bersenjoem. „Loe kata goea maen mata sama jang di sebrang? Kaloe loe brani seboet lagi sakali, sedikitnja loe nanti dapet tokkiakan jang kera."
„Betoel, Sek-loei, djangan loe maen kata sembarangan sadja," kata Boen-san, „Kaloe orang denger kan djadi engga baek?"
„Nah ja, djangan kata sembarangan ia djangan kata sembarangan," kata Sek-loei, „Hajo samkiok!
