1
I.
BAB OTJA'.
A. Pamantana ban matjemma.
1. Tja'-otja' rèja kennèng èpanta noro' kadaddijanna ban matjemma.
I. Noro' kadaddijanna èbagi daddi 3 matjem ija arèja:
| a. | Otja' asal (sarè, djamo). |
| b. | Otja' oba'an (ngolokkagi, masangana). |
| c. | Otja' tjamporan (gula bato, saptanang, otaba sattanang). |
II. ' Noro' matjemma, kenneng bagi daddi 9 matjem :
| a. | Otja' barang. | f. | Otja' sambungan. |
| b. | Otja' gantè. | g. | Otja' bilangan. |
| c. | Otja' sèpat. | h. | Otja' lantaran. |
| d. | Otja' gabaj. | i. | Otja' serro. |
| e. | Otja' tamba'an. |
2. Otja' asal rèja tja'-otja' sè gi' ta' aoba dari asalla. Kalamon ella èpangada'i, èpanotèngè, ẻsessellẻ otaba ẻrangkep, ladju ènjamaè otja', oba'an. Dinèng otja' daduwa' sè ètjampor, kangsè kennèng kotja' para' masèttonga artèna, djarèja otja' tjamporan njamana.
3. II-a. Otja' barang.
Otja' barang rèja, otja' sè anjata'agi rang-barang ban pa-apa, sè kennèng andijagi barang. Daddi è dalem èlmo basa bannè: korsè, mèdja ban lampu bai sè kabilang otja' barang, tapè: Saroka, hokoman, djang-badjangan, angèn, djarèja ija maso' otja barang kèja.
