— 164 —
Apatah djoega njang mengganggoe padanja?" menanja ia diri sendiri, apatah ia terlaloe rasahken sakit atawa apatah ada laen hal njang meng-
goda padanja? atawa............ apatah soeroehannja Allah soeda dateng boeat..................boeat..... ambil padanja?" la rasanja soengkan mengomong, kerna slempang nanti mengganggoe pada anaknja, tetapi setempo aer moekanja HOк OEN mengoetarahken bersoesa hati, kepengenlah ia berboeat sebisa-bisanja aken entengken doeka anakuja seblomnja ini berlaloe boeat ke laen doenia, en berkata: „HOK OEN, anak koe, ada apa toch? Apatah njang akoe boleh berboeat aken goena moe?"
Pertjoema! Semoea ketjintahannja en prangsahan kesiannja, pertjoema! Kerna lagi-lagi sang anak denger iloe soeara njanjian dan mengrisik di dalem kepalanja en sekarang ia soeda ambil kepastian boeat bladjarken njanjian itoe. Apatah itoe njanjian njang sanget merdoe ia nanti bisa adjar? Itce pikiran sangsi apa ia nanti bakal bisa itoe njanjian, telah mengoda padanja; ia berdiam boeat bebrapa saat en menanja hatinja kemoedian: „Apatah anak-anak bisa bladjar itoe? Apatah boekannja itoe bidadari-bidadari sadja njang bisa menjanji itoe?" Pertjoema sadja sang ajah tjoba tebak apa njang ada berdjangkit di dalem hati anaknja, pertjoema sadja ia tjoba dapetken itoe resia njang mendjadi sebab dari sang anak poenja kedoekahan.
Apatah sang anak moesti pergi dengen begitoe sadja en kesenangannja tertoetoep oleh awan
