— 127 —
Lagi sekali ia menanja, maski swaranja soeda dalem, maski ia rasahken soeda tida sanggoep.
„Angkat moeka moe, pa. Kasi akoe ― liat!”
Apalah djoega ada di itoe moeka, njang membikin hatinja begitoe kaget en sama djoega bilangin padanja, maoepoen seblonnja ia bisa dapet djawaban ?
„En taro itoe ada bener ―a palah djoega sekarang ia moesti bikin?”
Ja! apatah sebetoelnja? Kepalanja njang poesing tida bisa djawab pertanjahannja sendiri, hatinja berombak, bibirnja njang kring menjoba boeat oelangken itoe pertanjahan, ia goelet sama kekoeatannja njang ampir abis, ia krasin hatinja seboleh-boleh, tetapi och, pertjoema sadja. Sesoeatoe oerat di kapalanja njang poesing rasanja masi maoe tjoba oelangken lagi itoe pertanjahan, di sekiternja ia denger rioe soeara-soeara orang mengomong, en oerat-oerat dan soeara-soeara orang ia rasahken seperti menanja dengen berbareng: apa dong? apa dong?
Tetapi itoe pertanjahan tinggal tida terdjawab ― kerma sang anak tida inget orang lagi
| · | · | · | · | · | · | · | · | · | · | · | · | · | · | · | · | · | · | · | · | · | · | · | · | · |
Lantes sadja ENG TJAIJ panggil toean-toean Dokter, njang sigra menoeloeng boeat bikin HOK OEN mendjadi inget lagi. Tida lama kemoedian HOK OEN kliatannja moelain inget lagi en aken menjega soepaia pikirannja djangan berbalik lagi ke njang tadi, njang membikin ia begitoe poetoes pengarepan sekali, makalah ENG TJAIJ di soeroe kloear setelah Dokter-dokter mengambil tempat
