— 108 —
konja dari GOAN OEN ampoenja penjakit hebat njang blakangan.
Dengen kaget sekarang poen mendadak ia inget njang ia begitoe gegaba sekali boeat tinggal anak-anaknja sembarangan, kerna letaknja itoe empang tida lah djaoe lagi dari penggilingan. Boeat sementaran waktoe ia bingbang en menanja diri sendiri atawa ia tida bodo kapan ia bisa pertjaia djandjinja HOk OEN, tetapi sebaliknja ia mendjadi tida begitoe slempang lagi, kerna mikirin njang ISAH tentoe lantes ada sama djagahannja. Laginja, memikir ia, ada banjak orang en tentoe anak-anak poen girang ikoetin atawa terlebi baek di bilang gretjokin orang-orang bekerdja. Apa lagi ia pikir njang ia perna omelin anaknja sampe HOK OEN rasanja menjesel sekali, ah masatah ia sekarang tida boleh pertjaia njang anaknja bakal denger katanja? Toch kepalanja tida maoe brenti memikirin en selagi ia awasin aer sadja, ia rasanja kepengen sekali mempoenjai soeling seperti njang di dalem dongengan, soepaia di ini tempo ia bisa meliat apa njang soeda terdjadi di Tjiandjoer. Tjobalah keinginannja di itoe tempo terkaboel, pasti lah ia nanti liat HOK OEN en GOAN OEN dengen roepanja njang mera srenta bergirang lagi. berada di tjabang asem njang soeda tinggal patanja sadja.
