SATOE TJERITA JANG BETOEL SOEDA
KEDJADIAISI DI NEGRI TOERKI.
I
DIKASI LEPAS DARI PAKERDJA'ANNJA.Kira kira di taon 1847 di djalan besar dari Kota Maagdenburg, tiada djaoe dari tepi soengi Elbe di Duitschland ada berdjalan satoe anak lelaki miskin, koerang lebi tigablas taon oemoernja. Namanja ini anak Julius Werner, pengawakannja tinggi koeroes tapi moekanja tjakep dan dari aer moekanja serta sorot matanja bisa diliat, otaknja ini anak ada bagoes. Roepanja ini anak ada lebi pintar boeat mendjalanken pakerdja'an lebi soesa dari pada jang sekarang ia kerdjaken, jaitoe membawa boekoe boekoe dari soedagar boekoe toean Johann Stein. Poen ini hari Julius Werner ada bawa satoe boengkoesan boekoe jang ia moesti trimaken pada toean Von Linded di loear kota pada ini toean ia memang sringkali dateng.
Itoe waktoe sinar matahari ada sanget panas. Julius jang sabenernja koerang senang mendjalanken ini pakerdjaan soeda brenti sabentar aken bikin ilang tjape ia doedoek di bawa satoe poehoen besar dan taro boekoenja di tana kamoedian ia memandang di soengi jang tiada djaoe
