XXII.
PRANG LAGI.
Itoe tatkala ada pada achirnja boelan Juli 1877. Toerki telah berprang pada Rusland.
Sablonnja petja prang, Radja-radja besar di uropa telah kirim oetoesan ka Konstantinopel boeat bikin dami katjidra'an di antara ini doea negri, tapi itoe perkara dami tiada bisa ditroesken. Sasoeatoe menoesia jang ada pikiran nanti bisa kira sendiri, Toerki tiada nanti bisa toeroet perdamiannja itoe oetoesan-oetoesan jang minta, soepaja Toerki tarik balatentaranja dari Bosnië, Herzegowina dan Bulgarije, djoega Toerki moesti lepas semoea pembesar Toerki di mana mana provincie, di mana ada rahajat Christen tinggal, soepaja di itoe provincie-provincie diadaken satoe barisan balatentara Christen, iebi djaoe bebrapa tangsi Toerki moesti ditoetoep, bikin koebra barisan Toerki jang tiada dilengkepken betoel (barisan bashi bozouk) enz. enz. Soeda tentoe Toerki tiada soeka ini semoea perminta'an jang ada menoeroet kainginannja Rusland. Koetika Midhat pacha mendjadi wasir besar, pamerenta Toerki telah kaloearken atoeran, sekalian bangsa dan kaoem jang ada di tana Toerki ada dapet hak sama rata.
Sultan Abdoel Hamid dan diwan karadja'an di Konstantinopel telah toelak perminta'annja oetoesan Europa, kamoedian ditoelak djoega perminta-
