PAMAN DAN KAPONAKAN.
Kira-kira saperdjalanan Stenga djem djaoenja
dari gedongnja Mohamed Ali pacha pada tepi
Soengi Bosporus, ada satoe roema ketjil, di mana
doeloe ada tinggal toekang-toekang kebon, tetapi
soeda lama ini roema tinggal kosong dan banjak
roesak. Gentengnja botja, temboknja dari kajoe
banjak jang bolong, pintoe-pintoenja ampir terlepas dari engselnja. Tapi sekarang itoe roema
soeda dibikin betoel, sebab pintoenja tertoctoep,
lobang-lobang di temboknja soeda ditambel dan
dari djendelanja ada keliatan sinar api dari dalem
itoe roema, Djoega di tepi soengi ada satoe
kaik, di mana ada doedoek doea toekang penggajoe jang soeda bawa satoe orang ka ini roema
dan sekarang lagi toenggoe orang ini brangkat
balik dari sana.
Dalem itoe roema ada doedoek doea orang lelaki. Jang paling toea, satoe derwis, jang pake Satoe sorban besar serta pegang satoe tasbe, ada koeroes dan moekanja poetjet, matanja bengis, idoengnja bengkok dan djenggotnja pandjang serta berwarna poeti. Ini orang derwis toea boekan laen corang dari pada imam Rechid, ajahnja nona Mrika jang soeda mati diboenoe. Sasoeda tiada dapet menjampeken maksoednja aken boenoe
