12
Ajah, Iboe, dan Anak
Bremen, aken bekerdja di kapal pergi ka Amerika, Afrika atawa laen negri djaoe, di mana saja bisa dapet pakerdja'an.”
"Kau mengimpi, Julius,” kata iboenja, laloe tarik napas.
Setelah Julius maoe menjaoet, tiba-tiba pintoe depan terboeka dan ajahnja Julius masoek ka dalem. Dengen sigra Julius minta toeloengan pada iboenja, soepaja djangan dipoekoel oleh ajahnja.
Ia kaloear dari dapoer dan semboeni di blakang toempoekan kajoe.
Fritz Werner, ajahnja Julius, masoek di pertengahan dalem dan sasoeda taro satoe peti biola, ia lepas dirinja di satoe korsi jang lebi 50 taon oemoernja. Fritz Werner ada tinggi koeroes, seperti anaknja jang paling ketjil, Julius: moekanja poetjet, tandanja soeda pikoel banjak melarat dan soesa hati, matanja tjelong ka dalem, ramboetnja poeti.
Sasoenggoenja djoega toean Werner telah idoep melarat, Ia moesti maen orgel di gredja, moesti kasi pladjaran muziek pada bebrapa orang moeda bikin betoel piano dan di moesin dingin ia toeroet maen muziek di roema komedie ketjil. Werner dapet oepahan tiada besar, malahan tempo-tempo ini oepahan tiada tjoekoep aken toetoep ongkost di dalem roemanja. Ini tempo oewangnja abis semoga dan sabelon abis boelan, ia tiada bisa dapet doeit lagi. Maka tiada heran hatinja Fritz Werner mendjadi sanget soesa, koetika toean Stein kasi taoe halnja Julius jang soeda dilepas dari pakerdja'annja.
