PERMOELAAN KATA
ooooooooOoooooooo
Koetika soerat-soerat kabar di Hindia moeat salinan dari kabar- kabar jang dateng dari Europa, berhoeboeng dengen kadjahatannja Henri Désirè Landru jang telah boenoeh mati dengen roepa-roepa djalan dan roepa-roepa tjara atas dirinja lebih dari doea ratoes prampoean-prampoean tjantik di Parijs, ampir samoea pembatja di ini Hindia tida pertjaja bagimana dalem satoe kota dari satoe negri besar jang oeroesan politienja soeda bagitoe sampoerna bisa terdjadi satoe perkara kadjahatan jang bagitoe besar. Aken tetapi sasoedanja hakim besar di Parijs djatoken hoekoeman mat pada itoe pendjahat, maoe tida mage orang moesti pertjaja jang itoe perkara kadjahatan sasoenggoenja soeda terdjadi di ini tahon 1932.
Maka kaloe dipikir saseenggoenja ada satoe perkara loear biasa bagimana satoe lelaki sebagi Landru soeda bisa pikat doea ratoes prampoean-prampoean tjantik aken masoek dalem ia poenja gedong resia aken diboenoch dan dirampas harta bandanja. Menginget hal itoe, kita djadi tetap 'ambil poetoesan boeat terbitken ini boekoe dalem bahasa Melajoe, soepaja ini kadjadian jang amat loear biasa di ini abad, mendjadi satoe tjonto bagi samoea manoesia, bagimana satoe orang djahat áken dapet pembalesannja dengen lekas.
Penerbit.
