Halaman ini tervalidasi
— 40 —
pangsan, kamoedian ia berdiriken di tanah, soepaja telapakan kakinja itoe nona djadi njata di betjek.
Satelah itoe Landru pondong itoe nona ka pinggir soengei dan anjoetken dalem aer jang sedeng mengalir deres. Sasoeda seleseh kerdjaken itoe perboeatan jang terkoetoek, dengen sabar Landru doedoek kombali dalem autonja, dan dengen tida pasang lampoe lagi ia djalanken autonja. Tapi sakoetika itoe djoega doewa orang lelaki mendadak moentjoel dari tempat jang gelap dan kaokin Landru boeat brentiken autonja.
