6
8 sian masing-masing oendjoek dia poenja „Popwee” die depan Toewan, dengen bagoes saija tjaritain doeloe dari perkara sian sama hoet.
Kaloe dia bertapa masing-masing bawa dia poenja kesoekaän boeat djaga dirie atawa Honlou atawa Golok en Pokiam, atawa Toengkat, atawa Kipas en Talie, atawa laen, njang boeat arie arie dia pegang sekalian itoe pegangngannja dia isemmin djadie „Popwee”, tetapi ini 8 sian tiada bertjampoer sama njang laen sian, dia bertjampoer 8 sian dia poenja setrop, soeda oendjoek dia poenja „Popwee”, Toewan kata bagoes, en laen Dewa djoega masing masing keloewarin dia poenja „Popwee” kasi liat soeda abis, tingal ini Tang Haij Liong Ong mengadap kloewarin dia poenja 1 Bengtjoe, berkata: hamba poenja 1 Tjoe, kaloe malem die gantoeng terang sekalie dia bisa kloewar masoek, den Toewan kata bagoes. En ada 1 nama Manjisan Taij Ong mengadap kata: itoe Tjoe belon bagoes, hamba poenja 1 Tjoe lebie bagoes, dia kloewarin kasi Toewan liat, dia kata ini Tjoe djoega terang apa maoe dia bole bikin ada, atawa mas atawa perak apa djoega meniat dia kasie, mangka hamba kata bagoes, en abis Toewan kata: ija betoel ini Tjoe menangan dari Haij Liong Ong poenja Tjoe, en abis Toewan kasie persen masing-masing 5 tjangkir arak minoem die sitoe, soeda abis minoem masing masing memberi hormat lantas goebar djalan poelang.
Tjarita Tanghaij Liong Ong poelang, semingkin ingat semingkin mara en Manjisan Taij Ong kerdja goewa maloe begitoe banjak-banjak Dewa-Dewa; sekarang goewa nantie pegi di tempatnja, en lantas Liong Ong bawa orangnja njang die dalem laoet pegie die Goenoeng Manjiesan, sampe die sitoe Liong Ong lantas roesoe
