Apa rowa Wikipèḍia? ꦲꦥꦺꦫꦴꦮꦮꦶ ꦏꦶꦺꦥꦢꦶꦪ꧉
“Wikipèḍia iyâ arèya lombhung pangataowan (ènsiklopèḍia) ḍâring sè mardhika è bânnya’ bhâsa”
Wikipèḍia iyâ arèya lombhung pangataowan (ènsiklopèḍia) ḍâring sè mardhika è ḍâlem bânnya’ bhâsa. Maju bâca patètè jhâjhârbâ’ânna tong-sèttong.
Sè kapèng sèttong, lombhung pangataowan (ènsiklopèḍia). Apa rowa lombhung pangataowan (ènsiklopèḍia)? Apa bhidhâna bi’ bâca’an laèn sè lomra èbâca akadhi koran, majalah, bân opini? Mènorot artèna, ènsiklopèḍia iyâ arèya karjâ petthèghân sè aberri’ rèngkessan èlmo pangataowan ḍâri cem-macemma èlmo. Èntri sè bâḍâ è ḍâlem ènsiklopèḍia lebbi lanjhâng ḍâri kamus bân èssè bâbertana faktual (asèpat bhenḍer ghuongghu) bhâb subjèk sè èjhârbâ’aghi. Tengngerrè è ḍinna’ bâḍâ oca’ faktual (fakta), sè ma’nana cocok bi’ sa’ongghuna bân marlowaghi bhuktè. Kalamon ollèya sèttong fakta, ènsiklopè- ḍia kappra ètolès bi’ orèng sè ahli è sèttong èlmo. È Wikipèḍia, “ka’ahliyan” arèya èkala’ bân èpetthèk ḍâri bher-sombher sekunḍèr, akadhi pangeccapan bân panolès sè èyangghep kennèng èparcajâ.
1
JHÂ’ METTHÈK ḌÂRI WIKIPÈḌIA!
