-80-
Sesoedanja beres mengoeroes maitnja iapoenja goeroe dan bapa angkat, Lauw Soe Sam lantas djoewal itoe praoe dan brangkat ka kota Boe Tjiang Soeda sapoeloeh taon lamanja ia meninggalken itoe iboe kota provincie, hingga ada banjak hal jang soeda berobah; tapi itoe kawanan boewaja djoedi boleh dibilang masi seperti keadahan sediakala, biar poen banjak di antaranja jang soeda mendjadi toewa dan oendoerken diri dari itoe pakerdjahan, toch saban-saban masi sadja memperhatiken keadahannja iaorang poenja golongan, jang telah digantiken oleh marika poenja kontjo-kontjo jang lebih moeda.
Dengen ceang warisan jang ia dapat dari Hwan Tji Kioe, berikoet djoega harga pendjoealan itoe praoe, biar poen soeda dipake boeat mengoeroes djinazatnja itoe orang toea, toch masi berdjoembla tida koerang dari anam atawa toedjoe ratoes tail perak, ia bisa berlakoe sabagi satoe kongtjoenja hartawan besar, pakean perlente dan tinggal di hotel besar jang mentereng, pada djongos djongos hotel ia senantiasa berlakoe lojar Maka dalem sedikit waktoe sadja ia soeda diperhatiken oleh kawanan boeaja di itoe kota. Oleh kerna iapoenja paras moeka soeda berobah, koelitnja djadi angoes lantaran terbakar oleh panasnja matahari, sapandjang waktoe ia melakoeken pakerdjahan di atas praoe, ia tida dikenalin lagi oleh itoe kawanan boeaja djoedi jang maoe ambil ia sabagi marika poenja korban.
Baroe sadja Lauw Soe Sam berdiam di Boetjiang kira-kira sapoeloeh hari lamanja, lantas sadja ia soeda ditempel oleh itoe kawanan boeaja djoedi jang maoe godot padanja; tapi ia sendiri poen tida tinggal diam, dengen goenaken berbagi-bagi akal ia bisa selidikin kaadahan golongan boeaja dalem itoe kota. Saba-
