- 28 -
bikin pergerakan apa-apa, sekarang mendadakan ia lakoeken kombali iapoenja pakerdja’an lama. Kaloe menoeroet akoe poenja doega’an, boleh djadi Tjio-bian-giam-ong memang soeda „tjoetji tangan,” tapi satoe kali ini ia bekerdja kombali atas andjoerannja seorang laen jang mendjadi iapoenja sobat.“
„Boleh djadi bener begitoe,“ kata itoe doewa soedara Lioe dengen berbareng. „Nanti sasampenja di Tjimgoan kita berdoewa aken membantoein pada toako boewat menjelidikin ini oeroesan,“ menambahken iaorang dengen soewara perlahan, „biar poen toean Lauw Him tida satoedjoe, lantaran koewatir iapoenja barang-barang toeroet terantjam bahaja. Sebab boewat kita soeda memang wadjibnja saling toeloeng menoeloeng di antara kawan sadjabat.“
„Akoe haroes hatoerken banjak trima kasi atas toewan berdoewa poenja manis boedi,“ kata Tio Beng. „Tapi biarlah kita liat apa jang kamoedian kita aken berboewat, djika kita soeda sampe di Tjim-goan“
Djoestroe pada itoe waktoe Ong Ban Kim berkasik sembari moentaken lagi sedikit aer dari iapoenja moeloet, kamoedian ia menggrendeng: „Hajo, bawa lagi satoe tempat arak! Oh, dalem doenia tjoema minoem arak jang paling plesir dan paling menje- nangken....
Itoe tiga orang jang berada di sitoe saling lirik dengen bersenjoem, tapi Tio Beng tertjampoer dengen pengrasahan getir.
„Toewan Ong, tjobalah kaoe maliekin mata dan njataken sekarang kaoe berada di mana, dan dalem kaadahan bagimana,“ kata ia sembari mendekatin pada itoe soedagar Sansee jang barge moelai mendoesin.
Ong Ban Kim lantas melekin matanja dan tjelingoekan meliat ka segala djoeroesan, kamoedian ia
