— 21 —
balik poelang ka hotel; tapi lantaran soeda pagi, terpaksa iaorang masoek dengen mengambil djalan atas genteng
III
KATOELOENGAN DENGEN
TIDA TERDOEGA.
— ○ —
Tatkala Tic Beng jang paling doeioe ditjeboerken ka dalem aer, lantaran ia jang paling sedikit tçrkena pengaroehnja itoe tjoei-ma-yo, baroe sadja ia tengge lam ka dalem aer, lantas sadja ia djadi mendoesin lantaran terkena hawa dingin. Bermoela lantaran kaget ia djadi gelabakan dan kena telen aer soengei bebrapa kali ; api lantaran pada waktoe ia maoe djato poeles lebih doeioe soeda menjangka djelek, lantas sadja ia mengarti bahoea dirinja berada didalem bahaja. Ia menahan napas dan berlakoe sabar, kamoedian berdaja boeat timboel ka atas moeka aer. la bisa djoega timboel ka moeka aer, tapi iapoenja pikiran masi sa; paro boerem, hingga ia tida taoe dirinja berada di mana. Oleh kerna ia masi lemas dan kepala poesing, ia biarken dirinja mengambang dan anjoet terbawa alirannja aer. Achirnja angin pagi bikin iapoenja otak djadi seger, hingga ia moelai bisa taoe jang ia djoestroe anjoet di soengei Tjimho jang ia sering liwatin dan kenal baek keadahan di kadoea tepinja. Ia djadi inget djoega asalnja ia berada di dalem hotel Wat pin-tiam di bilangan district Tjim-goan, dari sitoe ia moelai inget semoea perkara, Ong Ban Kim jang mabok, iapoenja anem penggawe begitoe poen ampat penggawenja itoe soedagar Sansee,
