– 101 –
Baroe sadja itoe tiga orang meliwatin tembok pintoe kota, mendadak dari kadoewa sampingnja tembok kota ada lontjat keloear bebrapa orang dengen sendjata terhoenoes menjerang pada sala-satoe dari itoe tiga orang jang baroe masoek.
„Bangsat It Kie Tho! sekarang kaoe poenja adjal soeda sampe, hajolah pasrahken diri, agar djangan bikin tjape pada kaoe poenja Tio toaya,“ berseroeh sala-satoe dari itoe orang jang madjoe menjerang.
Tapi itoe tiga orang jang diserang poen dengen berbareng menjaboet marika poenja sendjata jang di semboeniken dalem marika poenja badjoe, sembari menangkis sembari lari moendoer ka djoeroesan pintoe kota. Tapi ternjata pintoe kota soeda ditoetoepken, kerna memang lebih doeloe soeda didamiken oleh Lauw Soe Sam sama pendjaganja. Meliat pintoe kota soeda ditoetoep, sala satoe di antara itoe tiga orang jang dikepoeng, lantas poeter goloknja seperti angin tjepatnja menerdjang pada bagian jang lebih lemah dari itoe orang-orang jang nengepoeng, jalah Oei Ban Seng, pembantoenja Tio Beng, hingga ia ini terpaksa moesti moendoer bebrapa tindak ka blakang, dan itoe orang, jang boekan laen dari It Kie Tho, tida sia-siaken itoe koetika bagoes lontjat madjoe ka depan, dan dengen satoe kali lontjat sadja ia soeda bisa tepisa dari moesoeh-moesoehnja kira-kira delapanbelas kaki, djaoenja.
Tjoema Tio Beng, Lee Siang Hiap dan Thio Po Hoei sadja jang paham itoe matjem ilmoe lontjat maka iaorang mengedjar dengen berlontjat djoega. Tapi itoe waktoe It Kie Tho soeda menikoeng ka sabelah timoer hingga tida bisa tertamapak lagi, dan koetika Tio Beng jang paling doeloe menjoesoel ka itoe djoeroesan, ternjata It Kie Tho soeda lontjat naek
