― 95 ―
seperti oedjan lebat. Malah ada djoega jang goenaken thitjio dan toja, hingga dalem sedikit sa at sadja Lauw Soe Sam rasaken badannja seperti remoek.
Beroentoeng pada sabelonnja iapoenja ka'adahan diadi samingkin heibat, Tio Beng dan bebrapa pengtrawenja jang baroe abis anterken satoe pio ka kwisay, kabetoelan menginep di Boetjiang, dan itoe waktoe maoe menjebrang ka Hankauw boeat balik poelang ka roemahnja. Meliat Lauw Soe Sam dilabrak oleh orang banjak dengen satjara kedjam dan boewas, ia tida maoe ambil perdoeli bagimana doedoeknja perkara, lantas sadja madjoe mamisaken ; tapi itoe kawanan boeaja Tjeng-pang tida maoe mengarti, laloe pada menjerang pada Tio Beng dan doea panggawenja. Tapi dalem sedikit waktoe sadja Tio Beng soeda bisa labrak marika itoe dengen garnpang sabagi djoega orang membabat roempoet, hingga boekan sedikit jang tjelentang tengkoeroep dan soengsang soembel.
Tapi djoemblanja itoe kawanan boewaja ijengpang sama sekali ada seratoes orang lebih, jang terang sekali ada didatengin djoega dari laen-laen tempat jang tida terlaloe djaoe letaknja sama kota Boetjiang, maka boeat samentara waktoe Tio Beng dan doea penggawenja tida bisa lantas poekoel moendoer itoe kawanan boewaja jang nekat. Beroentoeng itoe be brapa boewaja jang mengikoetin Lauw Soe . Sam dengen menggelap, koetika meliat Soe Sam dikrojok oleh begitoe banjak orang, boeroe-boeroe pergi mengasi kabar pada iapoenja laen-laen saderek dan itoe waktoe soeda dateng berkoempoel dóeapoeloeh orang lebih, dan koetika meliat ada Tio Beng jang memb a n t o e i n p a d a L a u w S o e S a m , i a o r a n g p o e n ja d j a d i tabah, dan lantas madjoe menerdjang pada itoe kawa-
