—4—
kamoedian teroesken perdjalanan itoe di atas aer dengen menoeroetin sepandjang Tjim-ho dan mendarat di sabelah oetaranja district Tjim-goan. Ong Ban Kim merasa girang sekali sebegitoe djaoe iaorang poenja perdjalanan dalem provincie Holam soeda liwat dengen slamat, sedeng iapoenja perdjalanan dalem provincie Sansee poen soeda ampir sampe di achirnja, kerna perdjalanan dari district Tjim-goan ka iboe kota provincie Thaygoan tjoema tinggal kira-kira doewa ratoes lie lagi. Itoe semoea, manoeroet Ong Ban Kim poenja anggepan, meloeioe disebabken oleh Hek-hoei houw Tio Beng poenja n a m a d a n k e a n g k e r a n , h i n g g a s o e d a m e m b i k i n it K i e Tho, satoe pendjahat jang sanget boewas dan tida memandang boeloe djadi keder dan tida brani toeroen tangan. Di waktoe iaorang menginep di soeatoe hotel dalem itoe district Tjimgoan, Ong Ban Kim lantas soeroean sediaken satoe medja makanan dan minoeman, kerna di sepandjang perdjalanan dalem bilangan provincie Holam dan djoega di sepandjang djalanan soengei Tjim-ho, Tio Beng jang berhati-hati tida idjinken orang minoem arak, kerna dikoewatir terdjadi perkara jang tida terdoega. Sabetoelnja Tio Beng tida satoedjoe pada sabelonnja sampe di kota Thaygoan dibikin itoe pesta makan dan minoem, dan kaioe sadja lebih doeloe ia mendapet taoe, nistjaja ia menjega ; tapi lantaran Ong Ban Kim soeda pesen itoe makanan dan minoeman di loewar iapoenja taoe, maka ia tida bisa menjega ; tapi ia pesen keras soepaja iapoenja penggawe-penggawe tida boleh minoem arak lebih dari iiga tjangkir. Tida antara lama kamoedian itoe makanan dan minoeman soeda disediaken di pertengahan dari itoe
