68
Pada satoe pagi pintoenja di boeka, tetapi ini sekali boekannja itoe prampoean toea jang dateng halnja tiga orang laki-laki jang mana doea di kenalkannja, ia itoe kepala policie dari Canton dan algodjo Pada jang katiga itoe hakim adanja. Dengan soeara besar ini hakim kasi taoe kapada Liou Siou jang waktoe soedah dateng aken menghadep di hadepan hakim, maka dia misti sedia akan toeroet.
Liou Siou soeroe betoelkan sedikit pakeannja oleh itoe prampoean toea dan komediannja itoe algodjo pegang doea doea tangannja jang gemetar serta ikat kadoea tangan itoe mendjadi satoe, sabagei djoega prampoean itoe maoe melawan atace berlari. Komedian lantas itoe algodjo kasi kaloear tali dan pasang djirat di lehernja Liou Siou serta bilang kapada kepala pilicie itoe jang dia soeda sedih.
Bagitoe kapada policie kasi satoe tanda maka samoea lantas berdjalan kaloear.
Itoe kapala policie dengan hakim berdjajan lebi doeloe dan di blakangnja berikoet itoe algodjo dengan seret Lion Siou seperti satoe kambing jang orang maoe potong. Dengan sabole bole prampoean toea itoe pimping Liou Siou soepaja djangan sampe djato di tana sebab kakinja soeda terlaloe amat lemas adanja.
Serta dia orang berdjalan di pelataran roema pendjara maka dia orang meliwatkan itoe tempat jang di boeat orang trima hoekoeman mati, disini ada kaliatan satoe orang tergantoeng jang masi bergerak gerak dan satoe tempat potong kapala orang, jang daranja masi ada
