315
amat renda saija minta jang angkane akan soeka trima itoe tanda mata dari saija seperti satoe peroendjoekan dari saija poenja panjasalan dan seperti satoe pengasehan pada kawinnja anakmoe.
Iboenja Liou Siou soeda djadi begitoe girang dari itoe kahormatan sampe dia loepa dalem poenja soeka ati apa sangsara Ming soeda berboeat padanja dan ampir dia tiada poenja perlataän boeat bilang trima kasi.
Itoe orang bangsawan jang sendiri soeda djadi sedikit maloe dari dia poenja perboeatan, soeda bri slamat lagi satoe kali pada njonja Liou dan lantas berbalik pada dia poenja sobat Perkins jang ada disitoe. Perkins kasi tangan padanja sambil berkata:
— Angkaoe soeda berboeat barang jang baik. Ming. betoel angkaoe ada satoe orang baik.
— Apa saija nanti bilang kapadamoe, toean kaptein, — menjaoet itoe president, — saija bikin saboleh-boleh sopaja djadi sama seperti angkaoe dan toean Arthur. Tetapi marilah kita poelang, samoe itoe terkedjoetan bikin saija sakit. Baiknja saija soeda sadia-sadia lebi doeloe.
Saija poenja kokki soeda masak makanan jang enak-enak akan bikin baik kombali pada saija, dan saija minta angkaoe nanti toeroet makan. Saija harep djoega jang angkaoe poenja sobat nanti bri itoe kahormatan pada saija akan trima saija poenjapermintaän.
Toean Arthur toendoek dengan mesam. Ming kasi masoek tangannja di bawa itoe toekang madat glap poenja tangan dan itoe praoe dari itoe president lantas
