248
lawan badjak-badjak itoe, dan kapal Si Ijadjoe nanti bertjampoer dengan itoe kapal-kapal Inggris.
Sesoedanja samoea ini di djandji bagitoe roepa, Perkins dapat ingat misti taro mata baik-baik pada PeiHo dan sebab dia bekas di gantoeng ada tingal segar dalam tiga hari dan tiga malam saabisnja dia hidoep kombali, maka Perkins adjak dia naik di kapal api ketjil mana doea hari lebi doeloe soeda toenda praoeinja Ming
Pada malam itoe djoega Perkins soeda sampe di toko kompani Inggris diirana dia lantas tjarita kapada toean Lauters barang apa jang soeda djadi sa abisnja dia laloe dari Canton.
Perkins mendjadi heiran tatkala dia liat jang toean Lanters poenja roepa tiada begitoe girang koetika dia dengar itoe tjarita.
— Itoe samoea, sobatkoe, — berkata toean Lauters,— tentoe misti bagoes sekali dalam lain waktoe, tetapi saija takoet jang saija ada betoel, koetika ampat belas hari jang laloe saija soeda bitjara satoe alamat kapadamoe.
— Apa angkaoe bitjara ? bertanja kaptein Si Ladjoe.
— Apa angkaoe tiada liat apa-apa, waktoe angkaoe liwat itoe Lipang di moeka?
— Saija soeda naik di darat di tampat orang kasi toeroen barang-barang dan tiada kistemoe saloe manoesia.
Djikaloe angkaoe soeda datang dari moeka kotta, dan tentoe angkaoe soeda liat sutoe gerakan di antar orang-orang.
