17
moeda dan tjerdik, jang blon lama di angkat akan pegang itoe pakardjaän jang brat dan soesa; oleh sebab bapanja itoe jang di boenoe sa-orang baik didalam itoe kotta adanja, maka kapala policie itoe dengan tjepat-tjepat maoe datang sendiri; dia bersoeka tjita jang koetika itoe dia mendapat satoe tempo jang amat baik akan toendjoek karadjinan dan kapandeannja.
Maka kabar dari hal pemboenoean itoe jang di boeat pada anaknja Lin bagitoe lekas soeda tersiar pada koeliling tampat, jang ada dekat disitoe; tetapi maski waktoe itoe, masi ada bagitoe pagi, maka tiada loepoet jang banjak orang-orang datang berkoempoel di moeka roema itoe sahingga hamba-hamba terpaksa boeat toetoep samoea pintoe-pintoe, terlebi lagi itoe antjaman kapada Liou Siou soeda bikin dia-orang takoet jang satoe doea laki-laki nanti masoek didalam kebon akan berboeat lebi lekas itoe pakardjaän ka-adilan pada membalas itoe pemboenoean.
Koetika orang-orang policie datang njang mana bole dapat menganal dari topi diatas dia-orang poenja kapala ada satoe kantjing boender mera, lantas orang-orang bersoerak-soerak sebab kasoekaän hati; pada lain-lain waktoe itoe orang-orang misti di poekoel dengan tjamboek lebi doeloe baroe boleh boeka tempat djalan boeat policie, tetapi pada itoe waktoe dia-orang moendoer dengan hormat disitoe.
Bapa Lin ada doedoek di bangkoe babrapa tindak djaoenja dari pintoe dan doea-doea tangannja ada memikoel kapalanja.
Lawah-Lawah Merah.
2
