93
terang betoel jang tangannja sendiri jang memegang sendjata masi tertantjep betoel peroenja.
Anak radja itoepoen ketahwilsh jang ija memboenoe pada lamboeng kirinja tijada mati, sekarang ija memboenoe dirinja sendiri dengen tangan kanannja, dari pada sebab maloenja dengen kita ini, maka dalem malem itoe termaloem oleh Indra Boeganda Aspandarsah dari pada halnja den pekerdjaannja, setelah itoe maka segala bangkee itoepoen di soeroenja boewang kedalem laoet, sekalijan tijada lagi di koeboernja. Pada tatkala itoe, adalah seorang pendita berdateng sembah, jatoewankoe djikaloe ada derma toeankoe, hamba minta majitnja soedara hamba sepaja sampoernaken dengen pegimana bijasa, serta hamba hendak koeboerken dengen baek baek. Maka sahoet anak radja itoe, Hai toean pendita, boekannja hamba tida memberi mana soeka toean pendita ampoenja soedara, tetapi boeat seorang toean boeatken demijan nistjaja semowanja toean koeboerken, kerna tida akoe dapet membedahken seorang, den tida akoe dapet membales kasih pada seorang, malinken kepada toehan Malikoel Rahman djoega jang amat moerah lagi mengasihi aken hambanja, sedeng radja Armansah tida akoe tanemken,
