kain Palembang Atjeh bukan Palembang. naiak kini Palembang niniak mojangnjo lah lamo turun tamurun pantangnjo tjabiak dipakai sampai katjutju elok djuo nan ditanun urang baparuah nan dirakik urang bainsang mauleh kalidah aia mamutuih kalidah api lah tapakai sagalo sahalai lah badeta balah katjang. sisampiang upiah karareh suduiknjo manikam ampu kaki
Bakato si Umbuik Mudo o amai djo den diamai tampan bana djo dimande pandang bana djo dimande lai baa den mamakai.
Mandjawab amai si Umbuik kok itu nan hang tanjokan tak kagawa doh lai tak batjatjek doh rasonjo bujuang badjalan hang dareh rantjaklah kudo nan balang bulu mairah ainalbunuik sisundok awan tagantuang ikuanjo sasahan tadjun kaki radjah ka ampeknjo palano ameh bagandja kakangnjo perak bahelo indjah2 suaso balarek lah badjalan si Umbuik Mudo diratjak kudo nan balang badjalan mandontjiang2 manampuah labuah nan pandjang alah didjindjiang guratehnjo lah manduo2 lunak ganto gadang heboh maheboh ganto ketek panggia mamanggia pado lalu suruik nan labiah taindjak samuik indak mati mati batang babudjuran alu tataruang patah tigo.
Dakek basarang hampia hampia sarangkan tibo sampai injo tangah halaman marantak kudo si Umbuik marantah marengeh pandjang takadjuik guru si Umbuik tatjangang urang nan banjak lagak badiri kasadonjo manindjau kapintu gadang lah tampak si Umbuik Mudo bakato guru si Umbuik o bujuang si Umbuik Mudo:
Tjubadak tangah halaman
Didjuluak djo ampu kaki
Djan lamo tagak dilaman
Ambiak kandi basuahlah kaki
