— 25 —
Salaennja begitoe kaoe tida kakoerangan pake dan blandja, kenapa kaoe begitoe temaha aken rampas laen orang poenja hak ? Marsina, kaoe ada satoe prampoean temaha.”
„Biar dikataken temaha, asal banjak doeit,” kata poela Marsina dengen tertawa.
| · | · | · | · | · | · | · | · | · | · | · | · | · | · | · | · | · | · | · | · | · | · | · | · |
Dengen iaorang poenja pembitjaraan diatas, lantas kita bisa dapet taoe bahoea Marsina dan Joesoef ada itoe orang jang tjampoer dalem perkara rampas hartanja Ali jang baroe dapet digali. Biarlah sekarang kita balik sedikit dalem tjerita.
Sebagimana kita soeda tjeritaken, itoe malem, satelah Ali soeda berlaloe dari roemahnja Joesoef, Marsina djadi sedikit tjektjok sama Joesoef dalem perkara maoe rampas hartanja Ali, boeat perboeatan mana Joesoef tida satoedjoe dan tinggalken Marsina sendirian di serambi belakang.
Di atas korsi males Marsina rebah dengen pikiran moendoer madjoe. Itoe harta f 50,000 ada menarik sanget pada hatinja. Begimana ia moesti berboeat; soepaja ia bisa ambil harta itoe sabelonnja Ali dateng? Perdjalanan ka itoe tempat ada amat sepi, ia poenja hati prampoean ada merasa sangsi aken liwatken itoe Gang Gardoe jang amat serem, apapoela moesti liwatken koeboeran-koeboeran Islam jang penoe di sakitarnja itoe mesdjit roesak. Ia nanti ada poenja kabranian kaloe sa-
