— 159 —
wang ?" kata Ali dengen merasa girang. „Sedari saja semboeb, saja belon perna loepa Raden poenja toeloengan, tjoema istri saja tida taoe Ra- den poenja nama."
Achirnja ada giliran Soedarmo aken tjeritaken hikajatnja, dan dengen maloe ia terpaksa tjeritaken djoega itoe pertjintaän jang ia iket der gen Moerhaja, boeat perkara mana ia dapet itoe niatan boeat minta pertoeloengannja Joesoef dan Marsina, soepaja ia bisa dapet perkenan dari ajahnja aken menikah sama Moerhaja dengen pantes.
„Insja-allah, itoe semoea ada kahendaknja Allah," menjeboet Raden Jaka. Sekarang kita-orang soeda taoe masing-masing poenja tjerita."
„Saja tida tolak kainginannja Soedarmo aken menika pada empo poenia gadis," kata Raden Jaka pada Nji Saleha, .,Malahan saja girang sekali bisa dapet mantoe gadisnja Hadji Mansoer, itoe orang soetji jang soeda banjak berboeat perkara amal di Betawi. Itoe nikahan nanti didjadiken sabegitoe lekas Moerhaja soeda semboeh.
„Banjak-banjak trima kasin," sahoet Nji Saleha dengen girang, tetapi girangnja tida lebih besar dari Soedarmo, jang kaloe ia toeroetin rasa hatinja, tentoe la soeda berdjingkrak dan tjioem ajahnja itoe, tetapi ia tida berboeat begitoe, hanja mesem sebagi tanda girang.
„Sekarang tinggal perkaranja abang Ali," kata
