merasa, jang ia boleh boewang badannja seperti boewangken pakean boesoek, kapan sadja ia soeka.
Ada doewa djalan akeu Dantes memboenoeh diri: pertama, bikin tali dengan sapoetangan, dan mengi gantoeng diri dengan tali itoe pada djari-djari besi jang ada pada lobang djalanan angin ; kadoewa, djangan makan satoe apa, soepaja mati lantaran lapar. Djalan jang pertama itoe tida disoekai oleh Dantes, kerna orang-orang palajaran biasa kenakeu hoekoeman gantoeng kapada badjak-badjak laoet, jang terpandang olehnja seperti orang-orang nadjis; sebab bagitoe. Dantes tida maoe kenaken hoekoeman itoe pada diri-sendiri ; maka djadilah ia berniat aken memboenoeh diri dengan lantaran menahan lapar, dan di itoe hari djoega ia lantas nioelai sambil ber. soempah, jang ia moe mati lantaran lapar.
Salama ada terdjadi segala hal jang ditjeritaken di atas ini, ampat tahon telah berlaloe. Pada achir tahon jang kaampat, Dantes berenti mengitoeng hari dan sigralah djoega ia tida kenal lagi dewasa.
Dantes telah berniat, jang djikaloe orang bawaïn ia makanan pada waktoe pagi dan sore, ia nanti boewangken itoe ka loewar djendela, hingga cipier nanti kiraken ia makan itoe.
Sabagimana ia telah berniat, bagitoelah djoega Dantes itoe berboewat. Doewa kali pada saban hari ia boewangken makanannja ka loewar kamar, dengan liwatken itoe di antara djari-djari besi pada djendela atawa lobang angin jang tida besar adanja.
