tanggal 20 atawa 25 ia nanti ada di ini kota Parijs.
— »Sekalian pedoedoek negri nanti bergerak.
— »Ja, samoewa nanti bergerak aken samboe datangnja dengan girang hati."
— »Ia tjoemah teriring oleh sedikit soldadoe, dan orang nanti serang padanja dengan balatantara besar.
— »Ja, dengan balatantara besar sekali, jang nan ti bawa ia dengan bersoerak-soerak poelang pada tachtanja di ini kota Parijs. Soenggoeh, anakkoe kaoe ini masih anak-anak dengan sabenarnja! Kaoe kira, kaoe soedah taoe rasia besar, sebab kaoe soe dah dapat kabar jang berkata padamoe: Napoleon soedah datang di Dannes dengan teriring oleh sedikit soldadoe; orang memboeroe kapadanja. Itoelah jang kaoe taoe, lain tiada. Ja, orang nanti menboeroe padanja sampe di kota Parijs, dengan tida sekali boenjiken sinapan."
— »Grenoble dan Lyon ada satia pada Baginda Eadja, dan nanti menoetoep djalanannja Napoleon.
— »Grenoble nanti boekaken pintoe-pintoenja pada waktoe Napoleon mengamperi ; sekalian pendoedoek kota Lyon nanti samboeti dengan girang datangnja Baginda Keizer. Pertjajalah padakoe, anak ! orang-orang Bonapartisch tida bodo, dan ia-orang poenja mata-mata tiada kalah sama kaoe poenja. Kaoe maoe katerangan? Dengarlah kaoe tida maoe kasih akoe taoe, jang kaoe ada datang di sini, tapi toch akoe dapat
