VI.
WAKIL PROCUREUR BAGINDA RADJA.
Pada hari dan pada waktoe Edmond Dantes membikin perdjamoean, adalah djoega lain orang membikin perdjamoein toendangan di dalam oemah boewatan koeno di djalanan du Grand hours.
Aken tetapi orang-orang jang berkoempoel di edjamoeiin ini, boekanlah orang-orang kefjil, seperti matroos-matroos dan soldadoe-soldadoe, hanja orang-orang bangsawan besar, jaitoe ponggawa-ponggawa negri jang telah melepasken djabatannja ini bawah tachta Napoleon, officier-officier toewa, jang telah meninggalken bala-tantara Keizer itoe dan pergi berkawan di dalam bala-tantara Pangeran Condée, dan anak-anak moeda toeroenan bangsawan Jang tjada soeka sama Napoleon.
Marika ini doedoek berdjamoe pada sapoetar medja besar, dan sambil santap dan minoem, dia orang poen rame berkata-kata dari hal banjak perkara.
