— 1775 —
Maka katanja Andrea: „Baik, nantilah, kaoe orang bengis ijang soedah tida kenal, apa kasian, masa akoe tida nanti bikin sampe kaoe ilang pakerdja-anmoe."
Barang orang mendjaga denger begini katanja Andrea, maka ija tertawa keras-keras, hingga orang-orang boewian, ijang laen-laen djoega dateng berkoempoel di ampirnja.
Maka berkata poela Andrea: "Aai, akoe brani tentoein, ijang dengan oewang sedikit itoe, akoe bisa dapet beli pakean ijang baikan, boewat akoe bisa trima orang ijang maoe beromong sama akoë, orang ijang berpangkat ijang sabentar-bentar akoe nantiken datengnja."
,,Benarlah katanja, bener," berkatalah orang-orang boewian itoe sama sekali. „Astaga, masa orang tida bisa liat dan- danannja orang baik-baik, memang dia orang baik."
,,Na kaloe kaoe bilang dia orang baik-baik, kaoelah ijang kasi pindjam padanja oewang itoe," berkata si pendjaga, ,,masa kaoe tida ada poenja doewa poeloe frank boewat kasi pindjem pada saorang temanmoe?"
,,Akoe boekannja teman-teman orang ijang ada di sini," berkatalah anak moedah itoe dengan bangga,,,djanganlah kaoe maoe hinain akoe, kaoe tida ada poenja hak dan koewasa boewat hinain akoe."
,,Na, dengarlah," berkata si pendjaga:,,kaoe dengar katanja? Dia betoel bangga mendapet teman seperti kamoe sekalian, na, ajo-lah pindjamin soedah, barang doewa poeloeh frank." Bangsat-bangsat ijang ada di sitoe pada memandang satoe sama laen dengan mengomel. Orang-orang itoe semoewa merasa sanget marah, ijang dia orang di begitoein oleh orang boewi djoega. Si pendjaga dapet mengarti, ijang itoe orang- orang moelai marah, maka itoe ija teroes obor-obor pada
