— 1773 —
ketemoein dia; kamar itoe pesagi pandjang dan di tengahnja ada doewa palang dari besi palang ada tiga kaki djaoehnja satoe dari laen dengan sengadja di bikin begitoe,soepaja orang-ijang dateng maoe ketemoein kenalannja itoe tjoema bisa beromong-omong sadja dan tida bisa orang kasih satoe apa satoe sama laen. Sebab tarlaloe djaoeh dan tangan tida sampe pandjang. Ini kamar dingin dan demek, tida enak sekali di liat orang. Adapoen kendati begitoe djocga, maka ini tempat boleh di bilang firdaosnja orang-orang tjilaka, ijang ada di dalem itoe boewi, sebab kaloe di panggil keloewar lantaran ada orang kenalannja maoe ketemoe padanja, maka dia ingat djoega, ijang doeloe diapoen djoega bisa djalan kemana soeka, seperti orang ijang dateng ketemoein dia itoe ija bisa berdjalan dan bisa dapet dengar kabar apa-apa; itoelah membikin ijang orang soeka djoega dan seperti girang kaloe dia bisa pegi ka itoe kamar.
Orang-orang ijang berdiam di sitoe kaloe keloewar, maka tentoe di bawa ka tempat boewangannja, atawa ka tempat gantoengan atawa ka tempat toetoepan cellulaire, ijaitoe orang di toetoep di dalem kamar sendiri dan kamar itoe djoestroe besarnja seperti doos, ijang setinggi sèpendirian orang, lebar dan dalemnja sama pandjang seperti badan manoesia
Hatta maka di dalem itoe tempat, ada satoe anak moeda berpakean roki lagi berdiri dengah tangannja di taro di dalem kantong rokinja dan teman-temannja ijang laen pada berdiri memandangin dia. Orang-orang ijang liat pakeannja begitoe aloes, maka pada doega ijang dia orang berasal, adapoen pakean itoe robek-robek, kendati djoega pakean itoe roepanja masih baroe sekali. Ja gosokin sepatoe ijang soeda berdeboe dengan setangan batist, ijang aloes dan oedjoeng
