92
TJERITA ROMAN
Tjara Melamar model baroe!
Oleh: MATS, — Batavia.
JOHN sedeng doedoek di medja toelisnja. Ia tarik naik itoe koelit di djidat, dan dengen sorot jang penoeh sanna kaheranan ia awasin sepotong telegram jang berada di tangannja:
„Kau soeka mendjadi akoepoenja istri?“
John.
Ini ada tjoekoep djinaka, dan lebih djinaka dari ini, John beion pernah ngalamken. Itoe telegram ada boeat adresnja nona Gretha, sedeng si pengirimnja adalah ia sendiri!
Lebih dari satoe taoen lamanja John ada tjintaken dirinja nona Gretha dengen diam-diam, dan sedari anem boelan paling blakang ia tjoba koempoelken antero kebraniannja boeat njataken itoe perasahan dari soearanja sang hati.
Tapi, sabelonnja ini terdjadi, ia telah dibikin oleh datengnja itoe formulier koening jang tersobek djadi doea, di dalemnja satoe enveloppe dengen zonder katerangan soeatoe apa.
John mengerti bahoea itoe telegram pasti terkirim dari nona Gretha, jang baroesan ia dapet trinna dari oppas-post. Itoe sobekan djadi doea potong, ada mengoendjoek bahoea ia tentoe mendjadi goesar waktoe membatja boenjinja itoe telegram, dan kamoedian masoeken dalem satoe enveloppe dan kirim itoe pada itoe djedjaka dengen apa seperti ia maoe njataken, jang John boleh trima kombali itoe telegram jang tida sopan.
