menikah dengen kaoe! Apa ini kaos belon mengarti?
„Mengarti, iboe?"
„Ja, apa kaoe mengarti, apa adanja itoe pengrasa'an?" Si Hok garoek-garoek kepalanja, maskipoen tida merasa gatel.
„Kaoe poenja pertanja'an ada lebih soesah aid|awab dari pada pertanja'annja akoe poenja goeroe algebra." kata Hok.
„Akoe tida taoe apa adanja itoe algebra, tapi masalah kaoe tida mengarti? Nah, lagi sekali: Kaoe dapet pengrasa'an menjesel atawa bakal dapet pengrasa'an begitoe djikaloe Sien Nio bertoendangan dan menikah dengen laen orang; djadinja: kaoe aken merasa girang djikaloe Sien Nio tida bertoendangan dan blakangan menikah dengen laen orang, tapi menikah dengen kaoe! Sekarang bisa dianggep kaoe tentoe selamanja ingin dapet pengrasa'an girang, boekan? Djadinja: Kaoe ingin Sien Nio tida menikah dengen laen orang tapi dengen kaoe. Djadinja: Kaoe ingin menikah dengen Sien Nio!"
„Aih, apa betoel begitoe, iboe? Ini akoe tida kira.” Sang iboe mesem.
„Tapi Hok, apa kiranja kaoe boleh kandoeng itoe harepan? Apa dengen gampang kaoe bisa dapetken itoe gadis seperti istri?"
„Ini jang akoe djoestroe tida taoe, iboe. Kaoe tentoe taoe, sering Sien Nio dan akoe doedoek berdoea'an sadja di akoe poenja kamar bekerdja, tapi sebagitoe lama kita tjoema bitjaraken sadja oeroesan pladjaran. Tida pernah, maski satoe kali sadja kita ada omongken oeroesan menikah atawa tjinta atawa apa lagi jang berhoeboeng dengen pernikahan. Lantaran itoe djoega akoe tida taoe, apa ia bisa didapetken
