44
TJERITA ROMAN
lem. Sekarang itoe gadis dapet liat sifat-sifat jang djelek jang berada pada ia poenja soedara misan. Entjek Tiong Bie poen djadi merasa koerang senang pada itoe kaponakan.
Di waktoe sore, Sien Nio bitjaraken poEla itoe perkara dengen samar-samar bersama ajah dan iboenja, sedeng Gwat Nio bersama Liong Nio berdiam sadja dalem kamar, lantaran merasa maloe pada Sien Nio dan marika poenja paman.
„Kaloe diliat djalannja perkara, itoe si Hok sebetoelnja djadi korban dari ia poenja perboeatan jang membelaken Gwat Nio. kata entjek Tiong Bie. „Apa ia ada itoe Hok djoega jang belon lama bekerdja di sini?"
„Betoel," kata Sien Nio, „dan sekarang lantaran itoe perkara, tentoe ia bakal dikaloearken dari sekola. Kasihan sekali! Akoe betoel-betoel menjesel telah minta ia tjari Gwat Nio dan Liong Nio. Djikaloe akoe tida berboeat begitoe, tentoe tida terbit ini perkara.“
„Ja, tapi Gwat Nio?”
„Itoe ada ia poenja salah sendiri,“ kata istrinja Tjong Bie, „satoe gadis tida moestinja pergi ka tempat gelap dengen lelaki moeda. Apa kaoe djoega sering berboeat begitoe. Sien Nio?"
„Tida pernah, iboe!" djawab itoe gadis dengen soeara tetep dan itoe waktoe memang djoega ia tida mendjoesta.
„Apa itoe malem si Hok djoega berada dalem medan pesta?" tanja entjim Tiong Bie.
„Tida; ia bekerdja seperti knecht taxi. Waktoe akoe menoenggoe soeda satoe djam lamanja dan belon liat djoega Gwat Nio bersama Liong Nio kombali, akoe lantes keloear. Akoe tjari marika, tapi tida bisa diketemoeken dan kebetoelan sekali akoe bertemoe
