36
TJERITA ROMAN
dapet kepastian, apa itoe doega'an ada bener, si Hok menanja:
„Akoe ingin tanja doeloe, entjek, apakah ada soeatoe alesan boeat kaoe madjoeken pertanja'an begitoe?"
Ajahnja Sien Nio tida djadi goesar, tapi lantes berkata:
„Baroesan akoe dapet denger tjerita jang aneh sekali. Sien Nio, akoe poenja anak, bilang kaoe ada ia poenja temen sekola, tapi sekarang kaoe bekerdja di sini dengen gadjih ampatpoeloeh roepia saboelan.”
„Itoe semoea tida salah, entjek," kata si Hok dan itoe waktoe ia poenja paras djadi goerem. „Akoe ada saorang miskin jang salaennja ingin dapet pladjaran poen moesti inget pengidoepannja akoe poenja iboe, jang tjoema mempoenjai satoe poetra, jaitoe akoe sendiri. Betoel akoe menoentoet pladjaran dalem itoe sekola djoega, di mana kaoe poenja poetri poen ada mendapet pladjaran, dan akoe poen aken sekola teroes. Tjoema sekarang ada waktoe vacantie, jang akoe bisa goenaken boeat tjari pengasilan. Itoelah sadja jang mendjadi sebab, hingga akoe bekerdia di sini. Djlkaloe dateng tempo boeat akoe sekola lagi, tentoe akoe poen aken minta brenti dari akoe poenja pakerdja'an, katjoeali djlkaloe akoe boleh bekerdja di waktoe sore sadja."
Entjek Tiong Bie tida maoe lantes pertjaja itoe katerangan. la dapet denger bahoea pladjaran dalem sekola tengah ada berat sekali, hingga banjak moerid moerid mogok satengah djalan. la tida bisa pertjaja jang si Hok bisa bekerdja baek dan berbareng dengen itoe moesti perhatikan djoega pladjarannja. la tjoeriga bahoea si Hok poenja bekerdja padanja berhoeboeng dengen dirinja Sien Nio. Lantaran itoe djoe-
