32
TJERITA ROMAN
IV.
SALAH TRIMA.
Dalem perdjalanan poelang, itoe tiga gadis tida ada satoe jang keloearken perkata'an maski sepatahpoen dan djoega sesoedahnja sampe di roemah, marika tjoema kasi slamet malem satoe pada laen dan laloeh masoek dalem kamarnja sendiri-sendiri.
Sien Nio djadi pikirin kedjadian jang baroesan, jang membikin ia merasa heran. la kenal si Hok seperti la poenja temen sekola jang pinter, jang nommer satoe dalem ia poenja klas. Dalem segala pladjaran boleh dibilang itoe orang moeda mendjagoin dalem ia poe nja kias. Lantaran itoe djoega Sien Nio merasa ketarik hatinja oleh itoe orang moeda, jang lantaran ia poenja pendiam dapet nama alias „Si Dogol”. la taoe djoega bahoewa si Hok ada saorang miskin, tapi jang itoe djedjaka di waktoe malem moesti bekerdja sebagi knecht taxi, inilah ada di loear ia poenja doega'an. Apakah betoel-betoel itoe orang moeda ada begitoe miskin, hingga ia moesti dapetken pengidoepan dengen tjara begitoe. Sien Nio djadi terharoe, apapoela di waktoe ia dapet doega'an, bahoewa si Hok bekerdja begitoe lantaran meloeloe ingin toeroet berladjar lebih djaoeh, satoe maksoed jang oleh Sien Nio dipandang tinggi sekali.
„Djikaloe akoe poenja doega'an ini ada bener, begitoe itoe gadis berkata sendirian, „soenggoeh ia pantes dapet poedjian. la tida segan boeat hidoep begitoe melarat asal sadja bisa dapet pladjaran lebih tinggi, sedeng djakaloe ia tida sekola boleh djadi dengen gampang ia bisa dapet pakerdja'an jang membikin ia dapet pengidoepan lebih baek. Tapi ia lebih soeka
