22
TJERITA ROMAN
betoel-betoel tida soeka pada si Hok.
Boeat tjegah terbitnja perselisihan, Sien Nio tida mendjawab, tapi perbantahan marika landjoetken maskipoen marika soeda sampe di roemah.
Marika bertiga ada teritoeng soedara-soedara misan. Sien Nio ada poetranja saorang hartawan di Bandoeng dan, seperti soeda ditoetoerken, ada sekola dalem H. B. S. Gwat Nio dan itoe satoe gadis jang laen, jang bernama Liong Nio, ada ia poenja soedara misan, jang satoe dari Tjiamis dan jang laen dari bilangan Priangan Koelon. Marika bertiga soeda doedoek di klas tiga, di mana djoega itoe orang moeda, Hok, jang dapet nama alias „Si Dogol" ada doedoek.
Itoe gadis teroes bitjaraken itoe kedjadian jang djadi poko hingga marika adoe bitjara jang baroe berachir waktoe ajahnja Gwat Nio menjelak.
„Akoe betoel merasa heran," begitoe antara laen-laen Gwat Nio berkata, „begimana itoe orang brani teroesken pladjaran dalem H. B. S. la poenja tingkah lakoe ada menoendjoeken ia ada saorang desa jang tida taoe adat, tingkah lakoenja kasar, grabak groeboek tida karoean. Pakeannja kaloe didjoeal pada toekang rombengan poon brangkali tida lakoe. Lagi apa kaoe tida denger? Waktoe ia baroe masoek sekola, directeur sekola ampir tolak padanja, sebab liat ia poenja pakean jang penoeh tembelan. Tapi ia bisa bajar oewang sekola boeat satoe tahon di moeka, maka ia ditrima djoega. Dan boekoe-boekoe jang la bawa? Brrr! Rabah poen akoe geli; itoe boekoe-boekoe soeda dipake paling sedikit sepoeloeh tahon dan toch ia masih pake." „Toch tida ada djahatnja djikaloe orang miskin poen toeroet berladjar." kata Sien Nio. „Akoe betoel-betoel tida mengarti, kenapa kaoe boleh bentji padanja. Boe-