GANDJARAN JANG PANTES
19
poonja plesir dengen tjara begitoe, marika tida mennbikin laan orang djadi girang. Akoe poen telah„plesir" di hari kemaren, kerna memang ada djadi akoe poenja kasoeka'an boeat preksa masin-masin dan teroetama motor-motor auto atawa motorfiets. Boeat itoe kaplesiran akoe dapet bajaran doea roepia dan dengen begitoe akoe plesir dengen dapet bajaran. Laen dari itoe dengen plesir tjara begitoe akoe bisa bikin girang djoega pada iboekoe, pada siapa akoe serahken toedjoeh talen dari akoe poenja pendapetan. Ach kaloe di'inget begini, akoe ada lebih kaja dari itoe tiga gadis."
la bersenjoem sendirian, dan lantaran itoe djoega kawannja jang brangkali djadi koerang senang, menegor padanja:
„Kaoe toch boekan orang gila? Kenapa kaoe tertawa sendirian? Apa djoega jang kaoe tertawaken?
Itoe tiga gadis jang baroesan mengobrol menengok waktoe denger ada orang bitjara begitoe keras. Mari ka liat „Si Dogol" djadi toendoek seperti orang jang ketakoetan dan merasa maloe.
„Akoe tertawa sendirian sadja, kerna inget satoe kedjadian," djawab ia dengen tida brani angkat moeka, „akoe tida tertawaken siapa djoega."
Itoe kawan jang roepanja sengit, gebrak bankoe di depannja „Si Dogol", hingga ia ini djadi kaget sekali dan djadi bikin tertawa pada moerid-moerid seantero klas.
„Di sini boekan roemah gila," kata itoe orang moeda, „di sini boekan tempat orang tertawa sendirian dengen tida ada sebabnja.
Doea antara itoe tiga gadis tertawa tjekikikan meliat itoe kedjadian, maskipoen jang dihinaken ada saorang bangsa sendiri. Jang katiga keliatan berparas goerem,
