GANDJARAN JANG PANTES
15
menanja brapa moesti bajar sewa'an auto.
„Tadi akoe soeda bilang, itoe kita pasrah pada kaoe, toean; tjoema akoe maoe kasi taoe, kita telah berkandara'an tiga djam lamanja." Itoe orang Europa berpikir sabentar, dan kamoedian berkata:
„Toenggoe sabentar di sini."
la pimpin istrinja dan masoek ka dalem hotel. Satoe penggawe hotel diminta katerangan tentang harga sewanja taxi dan satelah mendapet katerangan ia hampirken poela si Hok dan berkata:
„Menoeroet penggawe hotel boeat tiga djam pasiar dalem kota pembajaran doeablas roepia soeda lebih dari tjoekoep, tapi akoe soeka kasi kaoe berdoea dapet kaoentoengan lebih. Ini chauffeur, ada boewat sewa'an auto, limablas roepia."
„Trima kasi toean," kata itoe chauffeur tempo liat tiga lembar oewang kertas dikasi padanja.
Si Hok poen toeroet hatoerken banjak trima kasi.
„Dan kaoe, knecht," kata poela itoe orang Europa, „akoe kira kaoe tjoema lakoeken ini pakerdja'an lanta ran kemelaratan. „Satoe orang jang telah mendapet pladjaran seperti kaoe, akoe rasa tida nanti maoe rendahken diri mendjadi knecht taxi. Akoe ingin membri sedikit pertoeloengan pada kaoe seperti pernjatahan trima kasi boeat apa jang baroesan kaoe soeda berboeat goena kita. Apakah kaoe soeka trima sedikit persenan dari akoe?"
„Djikaloe toean soeka kasi, tentoelah akoe tjoema bisa hatoerken banjak trima kasi." kata si Hok.
„Akoe tida bisa tawarken kaoe laen dari sedikit oewong," kata poela itoe orang Europa.
Sesoedahnja berkata begitoe tangannja merogoh ia poenja sakoe badjoe seblah dalem dan kamoedian sam-
