— 50 —
pada akoe! akoe ada John Francis de Winter, ia oelangken; dan itoe njonja..."
,,Abis ! itoe njonja. kenapa?" menanja orang jang loeka
,,Ada akoe poenja iboe!" kata John Francis de Winter.
Itoe algodjo bertreak kras, jaitoe treakan jang orang dapet denger bermoela.
,,O, ampoenken akoe, ampoenken, “ kata algodjo dengen swara plahan, ,,maski boekan dengen nama Allah bilang sadja atas kau poenja nama; maski kau boeKan satoe padri, kau toch ada poetranja. “
,,Akoe ampoenken kau ?' kata itoe padri tiroean, ,,akoe ampoenken kau? ia oelangken lagi; ,,Allah brangkali nanti kasi kau ampoen, tapi akoe tiada.“
,,Inget kesian!‘ orang jang loeka minta dengen angkat tangannja
,,Tiada ada kesian pada orang jang tiada bisa kesian laen orang; mati dengen tiada dapet ampoen boeat kau poenja dosa, mati dengen soesa hati, mati kau dan tinggal terkoetoek !" kata de Winter.
Dari dalem pakeannja itoe padri tiroean soeda kasi kaloear satoe pedang pendek dan tantjep itoe sendjata di dadanja algodjo dengen berkata:
,,Ini dia akoe poenja ampoenan !"
Itoe koetika orang dapet denger treakan jang kadoea kali, tiada begitoe kras sebagi jang pertama dan kamoedian jang loeka merinti.
,,Itoe algodjo jang baroesan soeda angkat kapalanja djatoken lagi kapalanja. Padri palsoe dengen tiada perdoeliken lagi ia poenja sendjata jang ada di dadanja itoe algodjo, boeroe djendela,
