— 4 —
apa ada perloe prenta padanja, ,,kau poenja toean tiada ada napsoe boeat dahar,“
,,Tiga hari jang baroe berselang ia ada itoe napsoe, tapi dari wates kemaren napsoenja soeda jadi ilang,“ kata Olivain.
Olivain toeroet toean roema makan ka dapoer, di mana ia disadjiken barang makanan dan sebagimana biasanja boedjang boedjang, ia lantes tjeritaken toeannja poenja kebaean jang ia rasa perloe itoe toean roema makan depet taoe.
Raoul toelis begini:
,,Toean!
,,Sasoedanja djalan ampat djem lamanja, akoe brenti boeat toelis ini soerat pada toean, kerna akoe sanget rasa keilangan dan sabentar bentar akoe menengok ka samping sebagi maoe djawab atas toean poenja bitjara. Pada waktoe baroe brangkat akoe rasa sanget bingoeng, sedi sekali, sebab kita moesti berpisa, hingga akoe djadi goegoep dan tiada bisa njataken dengen pantes apa jang akoe haroes oetjapken, boeat menjataken akoe poenja tjinta dan trima kasi pada kau. Tapi toean tentoe soeka ampoenken itoe kesalahan, apa jang akoe pikir dalem hati. Toelis pada akoe, toean, akoe minta dengen sanget; kerna toean poenja nasehat ada djadi satoe bagian dari akoe poenja keidoepan. Laen dari itoe, djikaloe akoe boleh bilang, akoe djoega ada rasa kwatir ; dari apa jang soeda diatoer akoe doega, toean djoega bikin persedia’an boeat djalanken sala satoe perkara jang berbahaja, satoe hal jang akoe tiada brani minta ketrangan, kerna toean sendiri tiada ada bitjara satoe apa dari itoe perkara.
