— 34 —
Itoe koetika iaorang dapet liat lagi itoe roema makan dan sedikit djaoe dari itoe roema ada keliatan orang pikoel satoe gotongan, dikepalaken oleh toean d’Arminges, sedeng satoe orang lagi ada toentoen tiga ekor koeda.
Ini doea anek moeda lantaran lariken koeda dan koetika dateng deket pada itoe padri, de Guiche kata:
,,ltoe dia orang jang loeka, toean padri, akoe harep kau soeka toeloeng padanja dengen tjepet."
Raoul djalan sedikit djaoe dari itoe padri, sedeng moekanja pandang ka laen djoeroesan, kerna ia tiada soeka liat moekanja itoe orang.
Kamoedian iaorang djalan lebi doeloe dan hampirken orang jang loeka, pada siapa diwartaken, isorang soeda beroentoeng dapet satoe padri. Orang jang loeka angkat kepalanja menoedjoe ka djoeroesan jang ditoendjoek padanja, di mana ia dapet liat itoe padri lagi tjamboek kaldenja, kamoedian ia rebaken lagi kepalanja sedeng moekanja keliatanja trang.
,,Sekarang kita soeda kerdjaken apa jang kita bisa berboeat bagi kau,“ kata de Guiche pada orang jang loeka; ,,dan kerna kita dengen tjepet moesti sampe pada toean prins, kita djadi kepaksa tinggalken kau di sini. Kau tentoe tiada nanti djadi goesar pada kita, toean. Orang bilang, besok moesti dimaloemken prang besar dan kita ingin toeroet maloemken itoe perkara prang."
"Brangkat dengen senang pikiran, toean toean,“ djawab jang loeka ,,Allah nanti bales kau berdoea poenja baek boedi. Apa jang kau bilang, kau telah kerdjaken apa jang kau bisa berboeat bagi akoe, betoel adanja; tentang akoe
