— 329 —
,,Ja," kata poela Ratoe Anne, akos sanget
senang liat kau poenja dateng dan anggep kau
poenja deradjat sama tingginja dengen prins
prins dari kaoem familie Radja." Setelined
,,O, akoe maoe dirawat sebagi satoe prine," kata Planchet dalem hatinja,,banjak trima kasi!"
D'Artagnan soeda djadi sanget kwatir jang Planchet djadi sombong lantaran itoe perkata'an dan nanti mengakoe teroes terang ramanja dan kamoedian boleh djadi Sri Ratoe dapet taoe jang itoe orang ada ia d'Artagnan poenja pengikoet
,,Njonja," kata Planchet dengen soeara renda, ,akoe poenja nama Dulaurier, Sri Baginda poenja hamba jang amat renda."
,,Trima kasi, toean Dulaurier, apa kau poenja pakerdja'an ?* Akoe ada djadi soedagar laken, njonja, dan tempat tinggal akos di Bourdonnaisstraat."
,,Ja, tjoema sebagitoe sadja jang akoe ingin dapet tace, trima kasi toean Dulaurier, nanti kau denger kabar dari akoe."
Dengen djalan kaloear dari la poenja tempat semboeni d'Artagnan kata dalem hatinja:,tiada pertjoema Planchet toeroet pada akoe begitoe lama."
Bebrapa lamanja iaorang tinggal berdiri diam dan tiada berkata satoe apa, Ratos Anna tinggal berdiri di pintoe awasin orang djalan kaloear, d'Artagnan baroe kaloear separo dari la poenja tempat semboeni, sedeng Radja Lodewijk bersender dengen sikoetnja di pembaringan, sedia boeat reba kombali apabila itoe soeara riboet kadengeran lagi; tapi plahan plahan itoe soeara ilang sama sekali.
